MATA DALAN BA COOPERATIVA MULTI SECTORA BUDAHANRA
 (CMSB)

KONA BA COOPERATIVA MULTI SECTORAL BUDAHANRA

COOPERATIVA MULTI SECTORAL BUDAHANRA, hanesan Coperativa local nebe’e fo assistencia mobilidade ba membrus no Komunidade nebe’e presija atu hasae sira nia rendementu ba potensia produtu local no assesu ba fundus rasik.

Coperativa Multi Sectoral Budahanra estabelece iha Suku Ulmera, Sub Distritu Bazartete, Distritu Liquica iha loron 05 Fulan Abril tinan 2013, hamutuk ho fundadores nain sanulu resin lima (15).


SE’E MAK COOPERATIVA MULTI SECTORAL BUDAHANRA…?

MISSAUN

Atu hasae potensia komunidade nian nebe’e mak produktividade ba produtu lokal, fo oportunide kampu servisu ba membrus no komunidade hotu, hasae capacidade no konhesementu servisu no aksesu ba fundus rasik.

VIZAUN

Cooperativa Multi Sectoral Budahanra hanesan contributor ba servisu hamutuk nebe’e mak justu no signifikante ba membrus no komunidade hotu no respeitu ba relasaun ema nian atu acessu ba rekursus nebe’e mak sira presija, oportunidade atu hasae sira nia potensia produtu, direitu atu halao sira nia aktividade no fundus rasik.

VALOR

Cooperativa Multi Sectoral Budahanra, iha prinsipiu Igualidade, Amijade, solidariedade, edukativu, partisipativo, sosial nebe’e justu no integridade ba religiaun, Parceirus no kultura.


SAIDA MAK COOPERATIVA MULTI SECTORAL BUDAHANRA
NIA PROGRAMA SERVISU….?

1. Agrikultura

Cooperativa Multi Sectoral Budahanra nia aktividade agrikultura
sei servisu hamutuk ho membrus no komunidade iha area nebe’e sira hela no fatin nebe’e mak iha potensial agrikultura nian.
Iha Aktividades Agrikultura mos kategoria fali ba:
a. Aktividade Pekuaria
b. Aktividade Peskas
c. Aktividade Hortikultura

2. Comerciu

Cooperativa Multi Sectoral Budahanra, iha aktividades
ba programa comerciu nebe'e iha kategoria tuir mai ne'e:
a. Industria (Halo Gralha ho material Manual/Local)
b. Turismu (Atu promove fatin nebe’e iha potencia ba turismu, no mata dalan ba turista nebe’e mak preija tulun hosi ema local.
c. Unidade Imprestimu (Multi Sectoral Budahanra, fo creditu ba membru Cooperative hotu nebe’e presija atu halao sira nia aktividades rasik ho sira nia maneira atu oinsa hodi hetan rendimentu nune’e sira bele aksesu ba fundus rasik. Creditu ne’e sei fo ho montante nebe’e mak termina hosi CMSB bazeia ba fundus cooperativa nian.


3. Edukasaun Non Formal

Cooperativa Multi Sectoral Budahanra, sei estabelece centru
treinamentu computador ida ho kustu nebe’e mak ki’ik, atu nune’e hodi hasae
kapacidade no konhesementu komputador/teknologia ba ema hotu no sira nebe’e hapara eskola. Hosi Centru treinamentu ne'e, Cooperativa Multi Sectoral Budahanra halao parceiru ho organizasaun InfoTimor iha Timor Leste nebe'e mak fo sira nia apoiu kona ba komputedores atu nune'e bele facilita treinamentu nebe'e mak sei estabelece. (Treinamentu ba komputadores hanesan: MS World, Excel, Power point no Publisher)

4. Asistencia Sanitasaun Saude Baziku.

Cooperativa Multi Sectoral Budahanra, sei fo asistencia Sanitasaun Saude baziku ba ema hotu nebe'e mak involve ona iha Cooperativa Multi Sectoral Budahanra, atu nune'e bele motiva nia membru rasik atu moris iha ambiente nebe'e mak saudavel. Ba aktividade ne'e hetan fundus hosi Cooeprativa Multi Sectoral Budahanra hodi halao no fo asistencia hirak ne'e ba nia membru.

5. Aktividade Artes
Cooperativa Multi Sectoral Budahanra, halao ona aktividade artes hamutuk ho joventude no komunidade nebe'e mak iha talentu no hanoin diak hodi hasae kapacidade ba artes nian. Cooperativa Multi Sectoral Budahanra mos fo apoiu material, fundus no konselho promove sirania talentu no mos ba sira nia produtu artes iha merkado ou ba ema seluk. Ho maneira oinsa sira bele hetan rendementu/lukru hosi sira nia aktividade ne'e rasik, hodi nune'e bele fo suporta fali ba sira nia edukasaun ou nesecidade familia nian.

1. Halo Ro'o (Hosi material Au bambu sai fali ba produtu seluk).
2. Halo statua/boneka hosi Ai maran/Ai Abut sira nebe'e mak la uza ona saifali ba sasan produtu.
3. Halo pintura ba vizaun natureza no seluk-seluk tan.

OINSA HO COOPERATIVA MULTI SECTORAL BUDAHANRA
NIA SERVISU….?

a. Cooperativa Multi Sectoral Budahanra Nia Servisu
Cooperativa Multi Sectoral Budahanra, halao ligasaun ho membrus, komunidade,
no organizasoens hotu hodi aprende no servisu hamutuk hodi hetan no fahe objectivu nebe'e mak prioridade, hodi hare ba dezenvolvimentu, partikularmente ba iha aktividades Cooperativa nian hodi assesu ba fundus rasik hodi hasae rendimentu. Ami servisu hamutuk ho individuals, organizasoens no komunidades.

b. Cooperativa Multi Sectoral Budahanra Nia Planu Prioridade Ba Dezenvolvimentu.

Cooperativa Multi Sectoral Budahanra tuir nia vizaun no objectivu nebe'e hare liu ba programa hanesan tuir mai ne'e:

a. Agrikultura (Hortikultura, Pekuaria no Peskas)
b. Comerciu (Industria, Turismu no Unidade Imprestimu)
c. Edukasaun Non Formal
d. Assistencia Sanitasaun no Saude baziku
e. Artes

IHA NEBE’E MAK COOPERATIVA MULTI SECTORAL BUDAHANRA HALAO NIA SERVISU ?

Cooperativa Multi Sectoral Budahanra, halao nia servisu hodi fo vantagen diak ba nia membrus no komunidade hotu. Programa Cooperativa Multi Sectoral Budahanra mai hosi area ou fatin nebe'e mak hanesan tuir mai ne'e:

Suku Ulmera
1. Comerciu
2. Agrikultura
3. Artes
4. Asistencia Sanitasaun Saude Baziku

Suku Leorema
1. Agrikultura.
2. Comerciu

Suku Metagou
1. Agrikultura
2. Comerciu

Suku Mota Ulun
1. Agrikultura
2. Comerciu
3. Asistencia Sanitasaun Saude Baziku

OINSA ATU INVOLVE….?

Cooperativa Multi Sectoral Budahanra fo dalan ba sidadaun Timor Leste hotu atu hetan involve an hodi servisu hamutuk atu promove produtu local no mos hasae rendementu, atu nune'e bele asesu ba fundus rasik.
Ba sidadaun ou komunidade nebe'e mak iha interese atu involve an iha Cooperativa Multi Sectoral, tenki iha konhesementu no komprensaun didiak ba lalaok Cooperativa, atu nune'e laiha duvidas iha futuru. Cooperativa Multi Sectoral Budahanra sei fo konselho nafatin ba komunidade nebe'e mak hakarak atu involve an.

a. Wainhira Sai Ona Membrus

Wainhira komunidade nebe'e mak sai hanesan membru Cooperativa Multi Sectoral Budahanra nian ona, nia tenki kumpri nia dever antes hetan nia knar.

b. Dever Nebe'e Mak Presija Atu Kumpri Hosi Membru Foun

1. Presija anexu ho dokumentus legal ( Foto kopia kartaun eleitoral/certidaun RDTL tahan ida, Foto kloridu 3x4=2
2. Administrasaun $27.00
3. Dever kada fulan-fulan $7.00

c. Partisipasaun
Ba membrus hotu nebe'e mak involve an ona iha Cooperativa Multi Sectoral Budahanra, tenki iha partisipasaun nebe'e mak aktivu iha eventu no enkontru cooperativa nian, iha tempu nebe'e deit. Membrus hotu iha direitu atu fo sira nia hanoin ou ideia iha assembleia jeral kona ba dezenvolvimentu Cooperativa no membrus nian.

OINSA ATU KONTAKTU
COOPERATIVA MULTI SECTORAL BUDAHANRA….?

Ba membrus ou komunidade hotu nebe’e mak hakarak hatene kona ba lalaok ou presija tulun hosi Cooperativa Multi Sectoral Budahanra nian, bele kontaktu ba numeru telefone iha karaik:

EDIFICIU COOPERATIVA MULTI SECTORAL BUDAHANRA (CMSB) 
RUA: PRAIA DA MEMORIA, ULMERA, BAZARTETE, LIQUICA, TIMOR-LESTE.

Tel : +670 77307881 NO +670 7802 8539
Email : cooperativamsbudahanra@gmail.com
Website : cooperativamultisectoralbudahanra.webs.com

Diresaun Mapa ba Cooperativa Multi Sectoral Budahanra
(Praia da Memoria-Lanumate/Kampung Baru-Ulmera. Hare iha foto mapa dirasaun anexu ona)

STRUTURA COOPERATIVA MULTI SECTORAL BUDAHANRA (CMSB)

Prezidente Cooperativa Multi Sectoral Budahanra (CMSB)
Marcelino Soares
Telf: +670 77307881

I. Vice Prezidente Cooperativa Multi Sectoral Budahanra (CMSB)
Hermino Dos Santos
Telf: +670 7724 7274

II. Vice Cooperativa Multi Sectoral Budahanra (CMSB)
Alberto Do Rego
Telf: +670 7735 7180

Secretarius Cooperativa Multi Sectoral Budahanra (CMSB)
I. Joaquim A. Martins
Telf: +670 7750 4920

II. Marcelino A. Ribeiro
Telf: +670 7734 7442

Assuntu External Cooperativa Multi Sectoral Budahanra (CMSB)
João M. Alves
Telf: +670 7802 8539/7813 7579
Email : cooperativamsbudahanra@gmail.com

Tezoreiru Cooperativa Multi Sectoral Budahanra (CMSB)
I. Felismino Goncalves
Telf: +670 7791 1586

II. Manuel Martins
Telf:

III. Inda Taher
+670 7736 10

Gestor Cooperativa Multi Sectoral Budahanra (CMSB)
Felix Ribeiro
Telf: +670 7750 5715

Prezidente Komisaun Fiskalizasaun Cooperativa Multi Sectoral Budahanra (CMSB)
Agosto Goncalves
Telf: +670 7732 1967

I. Vice Prezidente Komisaun Fiskalizasaun Cooperativa Multi Sectoral Budahanra(CMSB)
Yagop

II. Vice Prezidente Komisaun Fiskalizasaun Cooperativa Multi Sectoral Budahanra (CMSB)
Julio Dos Santos
Telf: +670 7734 9070

SUB SECTORS:

Koordenador Sub Agrikultura
Gregorio M. Ataide.

Koordenador Sub Comerciu
Morgado Goncalves

Koordenador Sub Industri
Floriano de Jesus Correia

Koordenador Sub Artes
Yagop

Koordenador Assistencia Sanitasaun
Maria.

Koordenador Educasaun Non Formal
Marcelino Goncalves.

Ulmera, 05 Outubru 2013

PHOTO  Cooperativa Multi Sectoral Budahanra